გაეცანით კანის მოვლისა და ესთეტიკური სილამაზის პროფესიულ სამყაროს. კურსის ფარგლებში შეისწავლით კანის სტრუქტურას, მისი ტიპების ამოცნობასა და ინდივიდუალურ საჭიროებებზე მორგებული თერაპიული და ესთეტიკური ტექნიკების გამოყენებას. კურსი დაგეხმარებათ, დაეუფლოთ თანამედროვე აპარატულ მეთოდებს; კოსმეტიკური პროდუქტების შერჩევისა და მათთან სწორად მუშაობის უნარებს.

პროგრამის დასახელება: კანის მოვლის თერაპია – ესტეთიკური სილამაზე/Skin care treatment – aesthetic beauty;

ღირებულება: სახელმწიფო დაფინანსებით ( კურსის თვითღირებულება … )

პროგრამის განხორციელების ადგილი: ქ. თბილისი, ილია ჭავჭავაძის გამზირი N21;

პროგრამის ტიპი: პროფესიული მომზადება;

პროგრამის მიზანი: კვალიფიციური და კონკურენტუნარიანი სპეციალისტების მომზადება, რომლებიც, სანიტარულ-ჰიგიენური ნორმების დაცვით და სილამაზის ინდუსტრიის ბაზრისა და მომხმარებლის მოთხოვნების გათვალისწინებით, წარმატებით უზრუნველყოფენ სახის კანის მოვლის, გამაჯანსაღებელი და გამაახალგაზრდავებელი პროცედურების (კანის ზედაპირული წმენდა, დატენიანება-გამკვრივება, აღდგენა, გაახალგაზრდავება (მათ შორის უინექციო მეზოთერაპია) და სახის, დეკოლტესა და ზურგის არის კოსმეტოლოგიური მასაჟის (კლასიკური, პლასტიკური, აპარატული) შესრულებას;

პროგრამის ხანგრძლივობა: 8 კვირა (პრაქტიკა, თეორია), აქედან კვირეული დატვრითვა 20 სთ;

სასწავლო საათობრივი დატვირთვა: სულ 150 საათი;

პროგრამაზე დაშვების წინაპირობები: საბაზო განათლება.

კურსის დამთავრების შემდეგ სპეციალისტი ფლობს:

1. კანის ანატომიის და ფიზიოლოგიის ცოდნას:
   • კანის ტიპების და მისი საჭიროებების ამოცნობა.
   • კანის პრობლემების მიზეზების იდენტიფიცირება და მათზე ზრუნვის სტრატეგიის შემუშავება.
2. სასარგებლო თერაპიულ და ესთეთიკურ ტექნიკებს:
   • კანის წმენდის პროფესიული მეთოდების გამოყენება (მაგ.: ულტრაბგერითი თერაპია, ექსფოლიაცია და ღრმა წმენდა).
   • ნიღბების, სკრაბების და დამატენიანებელი საშუალებების ეფექტიანად გამოყენება.
3. პროფესიული აღჭურვილობის გამოყენების უნარებს:
   • ულტრაბგერითი ხელსაწყოების, მიკროდერმაბრაზიის აპარატების, დერმაპენის და სხვა ესთეტიკური ტექნოლოგიების მართვა.
4. პროდუქტების შერჩევისა და მათ შესახებ რეკომენდაციის გაცემის შესაძლებლობას:
   • კანისთვის შესაფერისი პროდუქტების შერჩევა (კოსმეტიკა, თერაპიული პროდუქტები).
   • კლიენტებისთვის ინდივიდუალური მოვლის რჩევების მიცემა.
5. თერაპიული პროცედურების შესრულების უნარებს:
   • კანის დაბერების ნიშნების შემცირების ტექნიკების გამოყენება.
   • დატენიანების და კანის ბალანსის აღდგენის პროცედურების ჩატარება.
6. სახის, დეკოლტესა და ზურგის ზონის კოსმეტოლოგიური მასაჟის შესრულების უნარს;
7. მომსახურების ხარისხის სტანდარტების დაცვის ვალდებულებას:
   • ჰიგიენისა და უსაფრთხოების ნორმების დაცვა.
   • პროფესიონალური, დახვეწილი მომსახურება.

კურსის წარმატებით დასრულების შემდეგ გაიცემა სახელმწიფო სერტიფიკატი. 🎓

აღმოაჩინეთ სილამაზისა და სტილის სამყაროს საიდუმლოებები. კურსი დაგეხმარებათ, დაეუფლოთ ვიზაჟის, მაკიაჟის ტექნიკებისა და პერსონალური სტილის/„ლუქის“ შექმნის ხელოვნებას.

შეისწავლეთ თანამედროვე ტენდენციები, ფერების ჰარმონია, სახის ფორმების გათვალისწინებით მაკიაჟის შესრულება და სტილის ინდივიდუალური მორგება. მიიღეთ ცოდნა და უნარები, რომლებიც თქვენი კრეატიულობისა და პროფესიონალიზმის გამოხატვის საუკეთესო გზად იქცევა!

პროგრამის დასახელება: „ბიუთი ლუქი“ – ვიზაჟის და სტილის ხელოვნება/ Beauty Look – the art of makeup and styling

ღირებულება: სახელმწიფო დაფინანსებით ( კურსის თვითღირებულება … )

პროგრამის განხორციელების ადგილი: ქ. თბილისი, ილია ჭავჭავაძის გამზირი N21;

პროგრამის ტიპი: პროფესიული მომზადება;

პროგრამის მიზანი:

1. კვალიფიციური და კონკურენტუნარიანი სპეციალისტების მომზადება, რომლებიც კლიენტის მოთხოვნის, მისი ინდივიდუალური თავისებურებებისა (სახის, თვალის ფორმა, ფერი, გარეგნულ იერი) და უახლესი ტენდენციების გათვალისწინებით, წარმატებით შეასრულებენ მაკიაჟს;
2. მსმენელისთვის ვიზაჟისტის პროფესიისა და სამუშაო ადგილის მოთხოვნების, ასევე, მაკიაჟის შესრულების სხვადასხვა ტექნიკის (კლასიკური, დღის, ღამის, სადღესასწაულო, ტელე-ფოტო მაკიაჟი) გაცნობა და ფერებისა და ვიზუალურ-ტექნიკური საშუალებების გამოყენებით სახის ოვალისა და ნაკვთების მოდელირების/კორექციის შესრულების საბაზისო უნარების გამომუშავებაში დახმარება;
3. მსმენელთა დასაქმებისა და თვითდასაქმების ხელის შეწყობა, საკუთარი თავის წარდგენისა და სოციალური მედიის მართვის უნარების განვითარება;

პროგრამის ხანგრძლივობა: 8 კვირა (პრაქტიკა, თეორია);

სასწავლო საათობრივი დატვირთვა: სულ 126 საათი (პრაქტიკა, თეორია), აქედან კვირეული დატვრითვა 15 სთ;

პროგრამაზე დაშვების წინაპირობები: საბაზო განათლება.

კურსის დამთავრების შემდეგ სპეციალისტი ფლობს:

1. ვიზაჟის ტექნიკას:
   • მაკიაჟის ფუნდამენტური ტექნიკების ცოდნა: ფერების შერჩევა, კონტურირება, თვალის და ტუჩის ხაზის დახვეწა.
   • კანის მოვლისა და მაკიაჟის წინასწარი მომზადების ცოდნა.
   • ყოველდღიური და საღამოს მაკიაჟის შექმნა.
   • სპეციალური მაკიაჟის შესრულება ღონისძიებებისთვის (საქორწილო, თემატური, სცენური).
2. სტილის დიზაინს:
   • სტილის ინდივიდუალური მორგება, კლიენტის სახის ფორმისა და ფიზიკური მახასიათებლების გათვალისწინებით.
   • ფერების ჰარმონიის ცოდნა და მათი გამოყენება სამოსთან, აქსესუარებთან და მაკიაჟთან შესაბამისობაში.
3. მოდურ ტენდენციებში ორიენტაციის უნარს:
   1. თანამედროვე ტრენდებისა და სილამაზის ინდუსტრიაში მიმდინარე ტენდენციების ინტეგრირება სამუშაო პროცესში.
   2. კლასიკური და ინოვაციური სტილების შეხამება.
4. პროფესიული აღჭურვილობის და პროდუქციის გამოყენების უნარს:
   1. მაკიაჟის ხელსაწყოებისა და კოსმეტიკური პროდუქტების მართვა და სწორად გამოყენება.
   2. კლიენტისთვის შესაბამისი პროდუქციის რეკომენდება.

კურსის წარმატებით დასრულების შემდეგ გაიცემა სახელმწიფო სერტიფიკატი. 🎓

მიიღეთ პროფესიონალური ცოდნა და უნარები ლაზერული ეპილაციის თანამედროვე ტექნოლოგიებში კურსი მოიცავს როგორც თეორიულ, ისე პრაქტიკულ ნაწილს. კურსის დასრულების შემდეგ თქვენ შეძლებთ, პროფესიონალურად შეასრულოთ ლაზერული ეპილაციის პროცედურები

პროგრამის დასახელება: ლაზერული ეპილაცია/Laser epilation

ღირებულება: სახელმწიფო დაფინანსებით ( კურსის თვითღირებულება … )

პროგრამის განხორციელების ადგილი: ქ. თბილისი, ილია ჭავჭავაძის გამზირი N21;

პროგრამის ტიპი: პროფესიული მომზადება;

პროგრამის მიზანი: კურსის დამთავრების შემდეგ მსმენელმა შეძლოს კანის გავრცელებული პათოლოგიების და კოსმეტოლოგიური დეფექტების განსაზღვრა სანჰიგიენური და უსაფრთხოების ნორმების დაცვით; ჭარბი თმის მოცილება სხივური ტექნოლოგიის (ლაზერული ეპილაცია) გამოყენებით.

პროგრამის ხანგრძლივობა: 4 კვირა (პრაქტიკა, თეორია);

სასწავლო საათობრივი დატვირთვა: სულ 63 საათი (პრაქტიკა, თეორია), აქედან კვირეული დატვრითვა 16 სთ;

პროგრამაზე დაშვების წინაპირობები: საბაზო განათლება.

კურსის დამთავრების შემდეგ სპეციალისტი ფლობს:

1. ლაზერული ეპილაციის ტექნიკას:
   • ლაზერული ეპილაციის პროცედურების ჩატარება როგორც სახეზე, ისე სხეულის სხვადასხვა ნაწილებზე.
   • თმისა და კანის სხვადასხვა ტიპებზე ლაზერის ეფექტიანობის განსაზღვრა.
   • ლაზერული ტექნოლოგიის სწორად გამოყენება თითოეული კლიენტის საჭიროებების შესაბამისად.
2. უსაფრთხოების და ჰიგიენის დაცვის ვალდებულებას:
   1. ლაზერული ეპილაციის უსაფრთხო და ჯანსაღი ჩატარების საფუძვლების ცოდნა.
   2. პროცედურების ჩატარების დროს ჰიგიენური და სერვისის მაღალი სტანდარტების დაცვა.
   3. პაციენტის უსაფრთხოება და კომფორტი პროცედურების დროს.
3. ლაზერული აპარატების მართვის უნარს:
   1. ლაზერული აპარატების გამოყენების ტექნიკური მხარეების ცოდნა.
   2. აპარატურის რეგულირება და საჭირო პარამეტრების სწორად დალაგება.
4. კლიენტთან კომუნიკაციის და კონსულტაცის გაწევის უნარს:
   1. კლიენტთან შეხვედრისას ლაზერული ეპილაციის პროცედურების შესახებ მათი ინფორმირება და სწორი კონსულტაციის გაწევა.
   2. კლიენტის კანის ტიპის და პრობლემების გათვალისწინებით სასურველი პროცედურის რეკომენდება.

კურსის წარმატებით დასრულების შემდეგ გაიცემა სახელმწიფო სერტიფიკატი. 🎓

დაეუფლეთ წარბის მოდელირების ხელოვნებას კურსის ფარგლებში თქვენ შეისწავლით სწორი ფორმის და სტილის შექმნას, რომელიც შეეფერება თითოეული კლიენტის სახის ნატურალურ მახასიათებლებს. კურსი მოიცავს როგორც თეორიულ, ისე პრაქტიკულ კომპონენტებს. გახდით წარბის მოდელირების სპეციალისტი და გააჯანსაღეთ კლიენტების გარეგნობა!

პროგრამის დასახელება: წარბის მოდელირება/ Eyebrow modeling;

ღირებულება: სახელმწიფო დაფინანსებით ( კურსის თვითღირებულება … )

პროგრამის განხორციელების ადგილი: ქ. თბილისი, ილია ჭავჭავაძის გამზირი N21;

პროგრამის ტიპი: პროფესიული მომზადება;

პროგრამის მიზანი: პროფესიული მომზადების პროგრამის მიზანია, მსმენელები დაეუფლონ წარბის კორექციის ტექნოლოგიებს (პინცეტით, ცვილით და ლამინირებით) სანიტარულ-ჰიგიენური მოთხოვნების წესების დაცვითა და სახის ფორმის გათვალისწინებით;

პროგრამის ხანგრძლივობა: 4 კვირა (პრაქტიკა, თეორია);

სასწავლო საათობრივი დატვირთვა: სულ 60 საათი (პრაქტიკა, თეორია), აქედან კვირეული დატვრითვა 12სთ.

პროგრამაზე დაშვების წინაპირობები: საბაზო განათლება.

კურსის დამთავრების შემდეგ სპეციალისტი ფლობს:

1. წარბის ფორმის მოდელირების უნარს:
   • სახის ანატომიის გათვალისწინებით წარბის სწორი ფორმის შერჩევა და მოდელირება.
   • წარბის სიმეტრიის და სახის ბუნებრივი ხაზების გათვალისწინებით მისი სილამაზის ბალანსის აღდგენა.
2. კლიენტის ინდივიდუალურობის გათვალისწინებით თანამედროვე ტექნიკების გამოყენების უნარს:
   • წარბის კორექტირება, კონტურის შექმნა სხვადასხვა ტექნოლოგიებით (გელით, პუდრით).
   • ფერების იმგვარად შერჩევა, რომ წარბი მოუხდეს კლიენტის კანის ტონალობას და ზოგად სტილს.
3. წარბის დიზაინის პერსონალიზაციის უნარს:
   • კლიენტის სახის სტილთან და ინდივიდუალურ მახასიათებლებთან მორგებული ფორმის შექმნა.
   • წარბის ფორმის მიმართ ინდივიდუალური მიდგომა სახის სხვადასხვა მახასიათებლების (მაგალითად, თვალის ფორმა, ცხვირი) გათვალისწინებით.
4. პროფესიული ინსტრუმენტების და ტექნიკის გამოყენების უნარს:
   • სპეციალური ინსტრუმენტების გამოყენება.
   • ტატუირების და პერმანენტული მაკიაჟის ტექნიკების ინტეგრირება.

კურსის წარმატებით დასრულების შემდეგ გაიცემა სახელმწიფო სერტიფიკატი. 🎓